စက်တင်ဘာ ၂၇ – ၂၀၂၅
ကရင်နီပြည် လူမျိုးပေါင်းစုံ ပြည်သူ့လွတ်မြောက်ရေးတပ်ဦး (ကလလတ KNPLF) ဗဟိုကော်မတီဝင်၊ အမျိုးသားညီညွတ်ရေးအစိုးရ NUG ဖက်ဒရယ်ရေးရာ ဒုဝန်ကြီး ဦးချစ်ထွန်း ဟာ စက်တင်ဘာ ၂၅ ရက်နေ့က ကွယ်လွန် သွားကြောင်း သိရပါတယ်။
ဦးချစ်ထွန်း ဟာ ၁၉၉၂ မှာ ကလလတ ရဲ့ စစ်ရေး၊ နိုင်ငံရေး၊ ဆက်ဆံရေး တာဝန်တွေ စတင်ထမ်းဆောင်ခဲ့တာ ဖြစ်ပြီး ၂၀၂၁ စစ်တပ် အာဏာ သိမ်းပြီးနောက် ဧပြီလ (၁၆) ရက်နေ့က စလို့ NUG ဖက်ဒရယ်ရေးရာ ဒုဝန်ကြီး အဖြစ် တာဝန်ယူခဲ့တာ ဖြစ်ပါတယ်။
ဦးချစ်ထွန်းဟာ အသည်းကင်ဆာရောဂါနဲ့ ဆုံးပါးသွားတာလို့ သိရပါတယ်။
ဒုတိယ ဝန်ကြီး ဦးချစ်ထွန်း ကွယ်လွန်သွားတဲ့ အပေါ် NUG ဖက်ဒရယ်ရေးရာ ဝန်ကြီးဌာနက ဦးချစ်ထွန်းရဲ့ ရပ်တည်ချက်နဲ့ ယုံကြည်ချက် အတွက် လေးမြတ်စွာ ဂုဏ်ပြုမှတ်တမ်းတင်ကြောင်းနဲ့ တော်လှန်ရေး မှတ်တမ်းမှာ ထာဝရ မော်ကွန်းတင် အသိအမှတ်ပြုကြောင်း ထုတ်ပြန်ထားပါတယ်။
