နိုင်ငံရေး

အောက်တိုဘာ ၅ – ၂၀၂၅ စေ့စပ်ညှိနှိုင်းမှုတွေ အပြီး အစ္စရေး အနေနဲ့ ကနဦးဆုတ်ခွာမယ့် နယ်နိမိတ်မျဉ်း အထိ ပြန်ဆုတ်ပေးဖို့ သဘောတူလိုက်ပြီလို့ သမ္မတ ထရမ့်က သူ့ရဲ့ ဆိုရှယ်မီဒီယာမှာ ရေးသားဖေါ်ပြထားပါတယ်။ ဒီညှိနှိုင်း သဘောတူညီမှုကို ဟားမတ်စ် ဘက်ကို အသိပေးထားပြီ ဖြစ်ပြီး ဟားမတ်စ်တို့က အတည်ပြုပြီးတာနဲ့ အပစ်ရပ်စဲရေး ချက်ခြင်း သက်ရောက်မှာ ဖြစ်တယ်လို့ ဆိုပါတယ်။ ဓားစာခံတွေနဲ့ အကျဥ်းသား လဲလယ်ရေးလည်း စတင်မှာ ဖြစ်ပြီး၊ အဲဒီနောက် တပ်ဆုတ်ဖို့ နောက်တဆင့် အခြေအနေတွေကို သတ်မှတ်မှာ ဖြစ်တယ်လို့ ပြောပါတယ်။ နှစ် ၃၀၀၀ ကျော်ကြာ ကပ်ဘေးကြီး အဆုံးသတ်ဖို့ ဖြစ်လာလိမ့်မယ် လို့လည်း ထရမ့်က ဖေါ်ပြထားပါတယ်။

အောက်တိုဘာ ၄ – ၂၀၂၅ ဟားမတ်စ်တို့က ထရမ့် ငြိမ်းချမ်းရေး အစီအစဥ်မှာ ပါတဲ့ ဓားစာခံ လွှတ်ပေးရေး ကို သဘောတူ လိုက်ပြီးနောက် အစ္စရေး ဝန်ကြီးချုပ် ရုံးကနေ ထရမ့် အစီအစဥ်နဲ့ ပတ်သက်ပြီး အစ္စရေး အနေနဲ့ ပူးပေါင်း ဆောင်ရွက်မယ်လို့ စာနှစ်ကြောင်းပါ ကြေညာချက်ကို ထုတ်ပြန် လိုက် ပါတယ်။ “ဟားမတ်စ်ရဲ့ တုံ့ပြန်မှုကြောင့် အစ္စရေးဟာ ဓားစာခံအားလုံးကို ချက်ချင်း ပြန်လွှတ်ပေးရေး အတွက် ထရမ့်ရဲ့ အစီအစဉ် ပထမအဆင့်ကို ချက်ချင်း အကောင် အထည်ဖော်ဖို့ ပြင်ဆင်နေတယ်” လို့ နေတန်ယာဟုက ပြောကြား ကြောင်း ထုတ်ပြန်ချက်မှာ ဖေါ်ပြထားပါတယ်။ “သမ္မတ ထရမ့်ရဲ့ ရည်မှန်းချက်နဲ့လည်း ကိုက်ညီ၊ အစ္စရေးက ချမှတ်ထား