တောင်တရုတ်ပင်လယ်မှာ နောက်ထပ်မုန်တိုင်း တလုံး ဖြစ်ပေါ်လာနေပြီး ဒီမိုန်တိုင်းဟာ ရှေ့သီတင်းပတ်မှာ ဗီယက်နမ် နဲ့ တရုတ်ကြားက ဖြတ်ကာ မြန်မာနိုင်ငံအရှေ့ဘက် ရှမ်းပြည်ကို သက်ရောက်မှု ရှိနိုင်တဲ့ မိုးလေဝသ အခြေအနေကို ဦးဌေးတင့် (မိုးဇလ ဘလော့ဂါ) က ခန့်မှန်း တင်ပြထား ပါတယ်။
ဦးဌေးတင့် – မိုးဇလဘလော့ဂါ (စက်တင်ဘာ ၂၃ – ၂၀၂၅) ဖိလိစ်ပိုင် ကျွန်းကို တိုက်ခတ်နေတဲ့ စူပါတိုင်ဖုန်း မုန်တိုင်း လမ်းကြောင်းနဲ့ မုန်တိုင်း အရှိန်… အဲဒီနောက်မှာ ကပ်လိုက်လာနဲ့ နောက်ထပ် မုန်တိုင်းတလုံး… မြန်မာနိုင်ငံအောက်ဘက်က ဘင်္ဂလားပင်လယ်အော်မှာ အရှိန်ပြင်းလာမယ့် လေစိုင်ဝဲ… စတဲ့ အရှေ့အနောက် ရာသီဆိုးဝါးမှုကြောင့် မြန်မာနိုင်ငံမှာ အထူးသဖြင့် မြန်မာနိုင်ငံအောက်ပိုင်းနဲ့ ရခိုင်ဘက်မှာ မိုးကြီးတွေ ရွာသွန်းမှာ ဖြစ်လို့ အထူးသတိထားကြဖို့ မိုးဇလ ဘလော့ဂါ ဦးဌေးတင့်က စက်တင်ဘာ ၂၃ ရက်နေ့မှာ ဗျို့ဟစ် ဆော်သြထားပါတယ်။
