ဧပြီ ၆ – ၂၀၂၆ “လကမ္ဘာဆီ မရောက်ခင် ကမ္ဘာကြီးကို နောက်ဆုံးတကြိမ် လှည့်ကြည့်ခြင်း” ဒီကမ္ဘာမြေ မြင်ကွင်းပုံတွေကို ဧပြီလ ၅ ရက် (Artemis II ခရီးစဉ်ရဲ့ ၅ ရက်မြောက်နေ့) မှာ Orion အာကာသယာဉ် အတွင်း ကနေ ရိုက်ကူးခဲ့တာ ဖြစ်ပါတယ်။ အာကာသယာဉ်မှူး ၄ ဦးဟာ ဒီကနေ့ ဧပြီလ ၆ ရက် မှာ လကမ္ဘာနဲ့ အနီးကပ်ဆုံး အကွာအဝေးကို ရောက်ရှိမှာဖြစ်ပါတယ်။ —————————
ဧပြီ ၅ – ၂၀၂၆ လကမ္ဘာဆီကို ဦးတည် မောင်းနှင်နေတဲ့ Orion ယာဥ်ငယ် ရဲ့ ဆယ်ဖီ ပုံရိပ်တွေကို အာကာသယာဥ်မှူးတွေက မြေပြင်ကို ပို့ပေးခဲ့ပြီးအ ခုဆိုရင် ခရီး တဝက် ရောက်ရှိနေပြီ လို့ သိရပါတယ်။ အာကာသယာဉ်မှူးတွေ လကမ္ဘာဆီ ရောက်ရှိသွားတဲ့ အခါမှာတော့ လပြည့်ဝန်းနား ကနေ အနီးကပ် ပျံသန်းမှာ ဖြစ်ပြီး လမျက်နှာပြင်နဲ့ ပတ်သက်တဲ့ သိပ္ပံနည်းကျ လေ့လာ စူးစမ်းမှုတွေကို လုပ်ဆောင် သွားကြမှာ ပါ။ အခု မြင်တွေ့နေရတဲ့ စာရေးထားတဲ့ ဓာတ်ပုံကတော့ Orion အာကာသယာဉ်ရဲ့ ဆိုလာပြား တောင်ပံ ထိပ်ဖျားမှာ တပ်ဆင်ထားတဲ့ ကင်မရာကနေ တဆင့် လှမ်းပြီး ရိုက်ကူးထားတာ ဖြစ်ပြီး အဝေး တနေရာမှာ