အောက်တိုဘာ ၂ – ၂၀၂၅ ရှမ်းမြောက်ဒေသ နမ္မတူမြို့ကို စစ်တပ်က ဒီကနေ့မနက်မှာ လေယာဥ်နဲ့ ပေါင် (၅၀၀) ဗုံး ကြဲခဲ့တဲ့ အတွက် လူ၄ ဦးသေဆုံးသွားပြီး ကလေးငယ် တဦး အပါအဝင် ၅ ဦးကတော့ ဒဏ်ရာ ရရှိခဲ့ကြောင်း TNLA တအာင်း တပ်ဖွဲ့က သတင်း ထုတ်ပြန် ထား ပါတယ်။ဒါ့အပြင် နေအိမ် (၈)အိမ်လည်း ပျက်စီးဆုံးရှုံးသွားခဲ့ရတယ်လို့ ဖေါ်ပြထားပါတယ်။
စက်တင်ဘာ ၃၀ – ၂၀၂၅ TNLA တအာင်းတပ်ဖွဲ့ ထိန်းချုပ်ရာ ကျောက်မဲမှာ ဒီကနေ့ စက်တင်ဘာလ ၃၀ ရက်နေ့ မွန်းလွဲပိုင်းက ဌာနဆိုင်ရာရုံးတွေ မီးလောင် နေကြောင်း ဒေသခံတွေဆီက သိရပါတယ်။ “မီးလောင်တာ လောလောဆယ် သိရတာက သစ်တောရုံး၊ ရဲစခန်း၊ ကြံ့ခိုင်ရေး ကားဝင်းကြီး၊ ရန်ကင်းထိပ်က စ သုံးလုံးရုံး၊ ဆောက်လုပ်ရေးဘက်က ရုံးတွေ။ ဗုံးကြဲတာမဟုတ်ဘူး။ ရှို့တာ” လို့ ဒေသခံ အမျိုးသား တယောက်က ပြောပါတယ်။ စစ်တပ်က မြို့ထဲ ဝင်ရောက်တော့မှာဖြစ်ပြီး မြို့နဲ့ အတော်နီးကပ်နေကာ တမိုင်လောက်ပဲ လိုတော့ တယ်လို့ သူက ပြောပါတယ်။ လက်ရှိ ညနေ ၄ နာရီကျော်ခန့်ကစလို့ ပစ်ခတ်သံတွေရော၊ Y-12 သံတွေရော၊ လက်နက်သေး
