USA

အောက်တိုဘာ ၂ – ၂၀၂၅ အမေရိကန် ဖက်ဒရယ် ဘဏ္ဍာငွေ ဥပဒေကို ကွန်ဂရက်အမတ်တွေက နောက်ဆုံး အချိန်မီ သဘောတူညီချက် ရဖို့ မအောင်မမြင် ဖြစ်ခဲ့ပြီးနောက် အမေရိကန် အစိုးရ ဟာ ၇ နှစ်နီးပါး အတွင်း ပထမဆုံးအကြိမ် အဖြစ် လုပ်ငန်းတွေ ရပ်ဆိုင်း သွားခဲ့ ပါပြီ။ အခုအခါ ဖက်ဒရယ်ဝန်ထမ်း ၇ သိန်းခွဲ့ အလုပ်ကနေ ခေတ္တ အနားပေး လိုက်ရပါတယ်။ ဒီကနေ အလုပ်ထုတ်ခံရတွေ ဖြစ်နိုင်ပြီး၊ အမျိုးသား ဥယျာဉ်တွေနဲ့ ပြတိုက်တွေ လည်း ပိတ်သွားနိုင်ပါတယ်။အရင် အစိုးရ ရပ်ဆိုင်းမှုတွေ တုန်းကတော့ ဝန်ထမ်းရှားပါးမှုကြောင့် လေကြောင်း ခရီးသွားလာရေး အနှောင့်အယှက်တွေ ဖြစ်ပေါ်စေခဲ့ဖူး ပါတယ်။ ဒီမိုကရက် နဲ့ ရီပတ်ဘလီကန်

အောက်တိုဘာ ၁ – ၂၀၂၅ အမေရိကန်အစိုးရ ဘတ်ဂျက်ကို လွှတ်တော်မှာ အတည်မပြုနိုင်သေးတဲ့ အတွက် ရန်ကုန်မှာရှိတဲ့ အမေရိကန်သံရုံးရဲ့ ဖေ့စ်ဘွတ်မှာ အကြောင်း အရာ အသစ်တွေ တင်တော့မှာ မဟုတ်ကြောင်း သံရုံးက ထုတ်ပြန်ထား ပါတယ်။ ဒါပေမယ့်လို့ ဘေးအန္တရာယ်နဲ့ လုံခြုံရေးဆိုင်ရာ အရေးပေါ် သတင်း အချက် အလက်တွေကိုတော့ ထုတ်ပြန်မှာ ဖြစ်ကြောင်း ဖေါ်ပြထား ပါတယ်။အခုအချိန်မှာ အမေရိကန်သံရုံးတွေ ကောင်စစ်ဝန်ရုံးတွေမှာ ရက်ချိန်း ယူထားတဲ့ နိုင်ငံကူးလက်မှတ် (passport) နဲ့ ဗီဇာ (visa) ဝန်ဆောင်မှုတွေ ကိုတော့ အခြေအနေခွင့်ပြုချက်အရ ဆက်လက် ဆောင်ရွက် ပေးသွား မယ်လို့ ထုတ်ပြန်ထားပါတယ်။

စက်တင်ဘာ ၂၉ – ၂၀၂၅အမေရိကန်ပြည်ထောင်စု မစ်ချီဂန် ပြည်နယ် မော်မွန် ခရစ်ယာန် ဘုရားကျောင်း ထဲကို သေနတ်သမားတဦးက ကားတစီးနဲ့ မောင်းဝင် လာပြီး သေနတ်နဲ့ ပစ်ခတ်ကာ အဆောက်အအုံကို မီးရှို့ခဲ့တဲ့ အတွက် အနည်းဆုံး လေးဦး သေဆုံးပြီး အများအပြား ဒဏ်ရာရရှိခဲ့ တယ်လို့ ရဲတပ်ဖွဲ့က ပြောကြားပါတယ်။ ဒက်ထရွိုက်မြို့ အနောက်မြောက်ဘက် မိုင် ၆၀ အကွာရှိ Grand Blanc မြို့ ယေရှုခရစ်တော် ဘုရားကျောင်း (Church of Jesus Christ of Latter-day Saints) မှာ လူရာပေါင်းများစွာ တက်ရောက် တဲ့ တနင်္ဂနွေ ဝတ်ပြုမှု အချိန် အတွင်း အချိန်အတွင်း ဖြစ်ပွားခဲ့တာ ဖြစ်ပါတယ်။