တောင်တရုတ်ပင်လယ်မှာ နောက်ထပ်မုန်တိုင်း တလုံး ဖြစ်ပေါ်လာနေပြီး ဒီမိုန်တိုင်းဟာ ရှေ့သီတင်းပတ်မှာ ဗီယက်နမ် နဲ့ တရုတ်ကြားက ဖြတ်ကာ မြန်မာနိုင်ငံအရှေ့ဘက် ရှမ်းပြည်ကို သက်ရောက်မှု ရှိနိုင်တဲ့ မိုးလေဝသ အခြေအနေကို ဦးဌေးတင့် (မိုးဇလ ဘလော့ဂါ) က ခန့်မှန်း တင်ပြထား ပါတယ်။
အောက်တိုဘာ ၁ – ၂၀၂၅ ဒီကနေ့ မနက် ၁၀ နာရီလောက် ရှမ်းပြည်အရှေ့ပိုင်း တာချီလိတ်မြို့မှာ မိုးသည်းထန်စွာ ရွာလို့ မကာအိုခမ်းရပ်ကွက်မှာ ရေကြီးမှု ဖြစ်ပွားခဲ့ ပါတယ်။ ဒီအတွက် ရွှေမဟာ ကိုယ်ပိုင်အထက်တန်းကျောင်း က ကျောင်းသူ ကျောင်းသားတွေကို မီးသတ် စက်လှေ(၃)စီး နဲ့ ရေဘေးလွတ်ရာ ပြောင်းရွှေ့ ပေးခဲ့တယ်လို့ တာချီလိတ် မီးသတ်တပ်ဖွဲ့က သတင်းထုတ်ပြန် ထား ပါတယ်။
အောက်တိုဘာ ၁ – ၂၀၂၅ ဖိလစ်ပိုင်အလယ်ပိုင်း မှာ ပြင်းအား ၆.၉ အဆင့်ရှိ ငလျင် ကြောင့် လူ အနည်းဆုံး ၂၆ ဦး သေဆုံးခဲ့ကြောင်း ဘေးအန္တရာယ် စီမံခန့်ခွဲရေး အရာရှိတွေက ပြောပါတယ်။ဘိုဂိုမြို့နဲ့ တခြား ထိခိုက်ခဲ့တဲ့ မြို့တွေ မြို့နယ်တွေမှာ ငလျင်ကြောင့် ‘ဘေးအန္တရာယ် အရေးပေါ်အခြေအနေ’ ကြေညာခဲ့ပါတယ်။ အင်္ဂါနေ့ ဒေသစံတော်ချိန် ည ၁၀ နာရီ မထိုးမီ စီဘူးမြို့ ကမ်းလွန်မှာ ငလျင် လှုပ်ခတ်ခဲ့ရာ လျှပ်စစ် ပြတ်တောက်မှုတွေ ဖြစ်ပေါ်ပြီး အဆောက် အအုံတွေ ပျက်စီးခဲ့ပါတယ်။အခုတော့ ဆူနာမီ သတိပေးချက်ကို ပယ်ဖျက်လိုက်ပြီဖြစ်ပြီး “ပင်လယ်ရေမျက်နှာပြင် အနည်းငယ် မြင့်တက်မှုကြောင့် ဖြစ်ပေါ်လာနိုင်တဲ့ သက်ရောက်မှုတွေ လုံးဝ ကင်းလွတ်သွားပြီ” လို့
