အရှေ့အလယ်ပိုင်း တိုက်ခိုက်မှုတွေအတွက် အလွန်စိုးရိမ်ပူပန်ကြောင်း စစ်ကော်မရှင်ထုတ်ပြန်

မတ်လ ၇ – ၂၀၂၆

အရှေ့အလယ်ပိုင်းဒေသ တိုက်ခိုက်မှုတွေအတွက် မြန်မာနိုင်ငံအနေနဲ့ လွန်စွာ စိုးရိမ်ပူပန်နေကြောင်းနဲ့ တိုက်ခိုက်မှုတွေ လျှော့ချကာ ငြိမ်းချမ်းစွာ ညှိနှိင်းဆွေးနွေး အဖြေရှာဖို့ တိုက်တွန်းကြောင်း စစ်ကော်မရှင် က ထုတ်ပြန်ထားပါတယ်။

–

အပြည့်အစုံ

————–

အရှေ့အလယ်ပိုင်းဒေသတွင်းဆိုင်ရာ သတင်းထုတ်ပြန်ချက်

၁။ အရှေ့အလယ်ပိုင်းဒေသတွင် လတ်တလောဖြစ်ပေါ်လျက်ရှိသည့် တိုက်ခိုက်မှုများအတွက် မြန်မာနိုင်ငံအနေဖြင့် လွန်စွာ စိုးရိမ်ပူ ပန်လျက်ရှိပါသည်။

၂။ ကမ္ဘာ့နိုင်ငံများအနေဖြင့် ငြိမ်းချမ်းစွာ အတူယှဉ်တွဲနေထိုင်ရေးမူကြီး (၅) ရပ်ကို အခြေခံပြီး အပြုသဘောဆောင်သည့် ဆွေးနွေးမှုနှင့် သံတမန် ရေး ကြိုးပမ်းမှုသည်သာ ပဋိပက္ခကို ဖြေရှင်းနိုင်မည်ဟု ယုံကြည်ပါသည်။

၃။ အရှေ့အလယ်ပိုင်း ပဋိပက္ခနှင့် တိုက်ခိုက်မှုများတွင် ပါဝင်နေသည့် နိုင်ငံများအနေဖြင့် နိုင်ငံတိုင်း၏ အချုပ်အခြာအာဏာပိုင်ဆိုင်မှုနှင့် နယ်မြေ တည်တံ့ခိုင်မြဲမှုကို အပြန်အလှန် လေးစားလိုက်နာရန် လိုအပ်ပြီး ပဋိပက္ခနှင့် တိုက်ခိုက်မှုများကို လျှော့ချကာ ငြိမ်းချမ်းစွာ ညှိနှိင်းဆွေးနွေး အဖြေရှာရန် တိုက်တွန်းပါသည်။

နိုင်ငံခြားရေးဝန်ကြီးဌာန၊ နေပြည်တော်

—————————

THN Public Media