သတင်း

ဆူးလေ မြို့တော်ခန်းမ အနီးမှာ ဗုံးပေါက်ကွဲ စက်တင်ဘာ ၁၆ – ၂၀၂၅ ရန်ကုန်မြို့၊ ကျောက်တံတားမြို့နယ်က အထင်ကရနေရာတခုဖြစ်တဲ့ မြို့တော်ခန်းမအနီးမှာ ဒီကနေ့ စက်တင်ဘာ ၁၆ ရက်၊ မနက်ပိုင်းက ဗုံးပေါက်ကွဲမှု ဖြစ်ပွားခဲ့တယ်လို့ သိရပါတယ်။ ဒီကနေ့ မနက် ၆ နာရီ ၄၅ မိနစ်ဝန်းကျင်က ကျောက်တံတားမြို့နယ်၊ အမှတ် (၁) ရပ်ကွက်၊ ဆူးလေဘုရားလမ်း၊ မြို့တော်ခန်းမရှေ့က လုံခြုံရေးအတွက် ကာရံထားတဲ့ ဘယ်ရီဂိတ်တခုကနေ ပေါက်ကွဲမှု ဖြစ်ပွားခဲ့တာလို့ သိရပြီး ထိခိုက်ဒဏ်ရာ ရရှိတာမျိုးတော့ မတွေ့ရှိရဘူးလို့ သိရပါတယ်။ “မြို့တော်ခန်းမ အပြင်ဘက်မှာ ကာရံထားတဲ့ ဘယ်ရီဂိတ်အောက်ကနေ ပေါက်ကွဲမှု ဖြစ်တာလို့ သိရတယ်။ ဗုံးပေါက်တဲ့အချိန်က မနက်ပိုင်း လူသွားလူလာနည်းတဲ့ အချိန်မို့ လူထိခိုက်တာတော့ မတွေ့ခဲ့ရဘူး။

ရွှေ့ပြောင်းဝင်ရောက်သူ ဆန့်ကျင်ရေး လက်ယာစွန်းတွေရဲ့ လန်ဒန် ဆန္ဒပြပွဲကို အမျိုးသမီးတွေ တန်ပြန်ဆန္ဒပြ စက်တင်ဘာ ၁၄ – ၂၀၂၅ မနေ့ စက်တင်ဘာ ၁၃ ရက်နေ့က လန်ဒန်မြို့မှာ လက်ယာစွန်း ခေါင်းဆောင် Tommy Robinson ဦးဆောင်တဲ့ ရွှေ့ပြောင်းဝင်ရောက်လာသူ ဆန့်ကျင်ရေး ”Unite the Kingdom” ဆန္ဒပြပွဲကို လူပေါင်း တသိန်းခွဲ အထိ ပူးပေါင်းပါဝင် ဆန္ဒပြခဲ့ကြပါတယ်။ ဆန္ဒပြသူ ၂၅ ယောက် ဖမ်းဆီးခံခဲ့ရတဲ့ အပေါ် အမေရိကန်က ကနေ အီလွန်မာ့စ် က ဗီဒီယို လင့်ကနေ တဆင့် ဆန္ဒပြသူတွေကို ပြန်တိုက်ခိုက်ဖို့ နဲ့ အဲလိုမလုပ်ရင် သေလိမ့်မယ်လို့ ပြောကြားပါဝယ်။ ဒါ့အပြင်သူက ယူကေပါလီမန်ကို ဖျက်သိမ်းပစ်ဖို့ ဆော်သြ ခဲ့ပါတယ်။