NUG နဲ့ မကွေးဖက်ဒရယ် ယူနစ် တွေ့ဆုံဆွေးနွေး

ဧပြီ ၂ – ၂၀၂၆

အမျိုးသားညီညွတ်ရေးအစိုးရ NUG နဲ့ မကွေးဖက်ဒရယ် ယူနစ် တာဝန်ရှိသူတွေ အွန်လိုင်းကနေ ဒီကနေ့ တွေ့ဆုံ ဆွေးနွေးခဲ့တယ်လို့ NUG က သတင်းထုတ်ပြန်ထားပါတယ်။

ဆွေးနွေးမှု ကိစ္စရပ်တွေကတော့ NUG နဲ့ မကွေးဖက်ဒရယ်ယူနစ်အစိုးရ အကြား လုပ်ပိုင်ခွင့် အာဏာခွဲဝေရေး နဲ့ ဆက်နွယ်တဲ့ ကိစ္စရပ်တွေ ဖြစ်တယ်လို့ ဆိုပါတယ်။

ဒါပေမယ့် အသေးစိတ်ကိုတော့ ဖေါ်ပြထားခြင်း မရှိပါ။

ဆွေးနွေး ညှိနှိုင်းမှုတွေကို အဆင်ပြေမှုရရှိသည်အထိ စဉ်ဆက်မပြတ် ဆက်လက် ဆောင်ရွက်သွားကြဖို့ သဘောတူ ခဲ့တယ်လို့ လည်း ဖေါ်ပြထားပါတယ်။

ပြီးခဲ့တဲ့ ရက်ပိုင်းက NUG MOD တပ်တွေက အင်အားအလုံး အရင်းနဲ့ မကွေးက ရေနံမြေရှိရာ တဝိုက်ကို ဝိုင်းဝန်းပိတ်ဆို့မှုတွေ လုပ်ခဲ့တာ ဖြစ်ပြီး မကွေးယူနစ်က ကာကွယ်ရေးဝန်ကြီး ဗိုလ်လက်ယာကို ဖမ်းဆီးဖို့ ဆိုတဲ့ သတင်းတွေ ထွက်ပေါ်နေခဲ့တာ ဖြစ်ပါတယ်။

ဒီကနေ့ အစည်းအဝေးကို NUG ဘက်က ဒေါက်တာဇော်ဝေစိုး ဦးဆောင်ကာ မကွေးဘက်က ဝန်ကြီးချုပ် ဒေါက်တာရဲထွန်းဇော် ဦးဆောင်တက်ရောက် ဆွေးနွေးခဲ့တယ်လို့ သိရပါတယ်။

—————————