ဧပြီ ၆ – ၂၀၂၆ “လကမ္ဘာဆီ မရောက်ခင် ကမ္ဘာကြီးကို နောက်ဆုံးတကြိမ် လှည့်ကြည့်ခြင်း” ဒီကမ္ဘာမြေ မြင်ကွင်းပုံတွေကို ဧပြီလ ၅ ရက် (Artemis II ခရီးစဉ်ရဲ့ ၅ ရက်မြောက်နေ့) မှာ Orion အာကာသယာဉ် အတွင်း ကနေ ရိုက်ကူးခဲ့တာ ဖြစ်ပါတယ်။ အာကာသယာဉ်မှူး ၄ ဦးဟာ ဒီကနေ့ ဧပြီလ ၆ ရက် မှာ လကမ္ဘာနဲ့ အနီးကပ်ဆုံး အကွာအဝေးကို ရောက်ရှိမှာဖြစ်ပါတယ်။ —————————
ဧပြီ ၃ – ၂၀၂၆ Artemis II လကမ္ဘာခရီးစဉ်ရဲ့ Orion အာကာသယာဉ်ငယ်ဟာ ယာဥ်ငယ်မှာ တပ်ဆင်ထားတဲ့ အင်ဂျင်ကို နှိုးပြီး လကမ္ဘာရဲ့ တစ်ဘက်ခြမ်း အထိ သွားရောက်မယ့် ခရီးစဥ်ကို စတင်လိုက်ပြီ ဖြစ်ပြီး ကမ္ဘာပတ်လမ်း ကနေ စွန့်ခွာ သွားခဲ့ပြီ ဖြစ်ပါတယ်။ လကမ္ဘာဆီ ဦးတည်မယ့် ဒီအင်ဂျင်နှိုးမှုကို ဂရင်းနစ် စံတော်ချိန် ၂၃ နာရီ ၄၉ မိနစ်မှာ စတင်ခဲ့တာဖြစ်ပြီး ၆ မိနစ် နီးပါး ကြာမြင့်ခဲ့ပါတယ်။ NASA ရဲ့ ခရီးစဉ် ထိန်းချုပ်ရေး စင်တာကတော့ ဒါကို “ဒီခရီးစဉ်ရဲ့ နောက်ဆုံး အဓိက အကျဆုံး အင်ဂျင်နှိုးမှု” လို့ ဖော်ပြထားပြီး ဒီလုပ်ဆောင်ချက်ကပဲ အာကာသယာဉ်မှူးတွေကို ကမ္ဘာ့ပတ်လမ်း