ပြည်တွင်း

အောက်တိုဘာ၂ – ၂၀၂၅ မြန်မာ့ပန်းချီလောကရဲ့ အထင်ကရ ပန်းချီဆရာဖြစ်တဲ့ ပန်းချီဆရာကြီးဦးလွန်းကြွယ် လူကြီးရောဂါနဲ့ ကွယ်လွန်သွားပြီ ဖြစ်တယ်လို့ မိသားစုနဲ့နီးစပ်တဲ့ ပန်းချီဆရာကြီးဆီကသိရပါတယ်။ ပန်းချီဆရာကြီးဦးလွန်းကြွယ်က ရန်ကုန်၊ ရွှေပေါက်ကံ၊တောင်ငူလမ်းမှာရှိတဲ့သူရဲ့နေအိမ်မှာပဲ ကွယ်လွန်သွားတာဖြစ်ပြီး ဒီနေ့ အောက်တိုဘာ ၂ ရက်နေ့ မွန်းလွဲပိုင်းမှာ သဂြိုလ်ဖို့ မိသားစုက စီစဥ်နေတယ်လို့သိရပါတယ်။ “ဆရာကြီး ညကဆုံးတာ ။ ဒီနေ့သဂြိုလ်ဖို့ လုပ်နေကြတယ်။ ရေဝေးမှာသဂြိုလ် မှာ အခုအချိန်ဇယားညှိနေကြတယ်။ ဆရာကြီးကလူကြီးရောဂါနဲ့ဆုံးတာပါ။ တရှောင်ရှောင်ဖြစ်လိုက် ဆေးဝါးကုလိုက် ကောင်းလိုက်ပေါ့။ အရင်ရက်ကတောင်မွေးနေ့ကျင်းပတော့ ကြည်ကြည်လင်လင်ပါဘဲ။ နဂိုထဲကလည်း ကျန်းမာရေးက ချူချာတယ်။ အသက်ကြီးလာတော့ ကျန်းမာရေးက ချူချာတာပေါ့။” လို့ မိသားစုနဲ့ရင်းနှီးတဲ့ ပန်းချီဆရာကြီးဦးကျော်စိုးကပြောပါတယ်။ ဆရာကြီးဦးလွန်းကြွယ်က ကွယ်လွန်ချိန်မှာ အသက် ၉၆ နှစ်ရှိပြီဖြစ်ပြီး ဆရာကြီးရဲ့အနုပညယသက်တမ်းက ၇၈ နှစ်ပြည့်ခဲ့ပြီဖြစ်တယ်လို့သိရပါတယ်။

အောက်တိုဘာ ၁ – ၂၀၂၅ ကိုယ်စားလှယ်လောင်း တင်သွင်းရက် နောက်ဆုံးနေ့ ဖြစ်တဲ့ စက်တင်ဘာ ၂၂ ရက် နောက်မှာ စာရင်းရောက်ရှိလာတဲ့ ကိုယ်စားလှယ်လောင်း ၅၃ ဦး ကို ထပ်တိုး စာရင်းသွင်း ပေးကြောင်း စစ်ကော်မရှင် ပြည်ထောင်စု ရွေးကောက်ပွဲ ကော်မရှင်က စက်တင်ဘာ ၂၆ ရက်နေ့က သတင်းထုတ်ပြန် ထားပါတယ်။ ဒါ့အပြင် ကိုယ်စားလှယ်လောင်း ၁ ဦးကို ပြန်ရုပ်သိမ်းကြောင်း စာရင်း လည်း ရောက်ရှိလာတဲ့ အတွက် ရုပ်သိမ်းပေးခဲ့ပြီး စာရင်းကနေ ထုတ်ပယ် ခဲ့တယ်လို့ ဆိုပါတယ်။အကြောင်းကတော့ အင်တာနက်လိုင်း ချို့ယွင်းမှုများကြောင့် အခုလို ၂၂ ရက်နောက်ပိုင်းမှ ဝင်လာတဲ့ စာရင်းတွေကို ထည့်သွင်း ပြင်ဆင် ပေးခဲ့ တာလို့ ဆိုပါတယ်။

စက်တင်ဘာ ၃၀ – ၂၀၂၅ ဒီဇင်ဘာ ၂၈ ပထမအသုတ်ရွေးကောက်ပွဲ မဲစာရင်းတွေကို ဒီကနေ့ စက်တင်ဘာ ၃၀ ရက်နေ့ကနေ အောက်တိုဘာ ၁၃ ရက်နေ့ အထိ သက်ဆိုင်ရာ ရပ်ကွက်/ကျေးရွာအုပ်စု ကော်မရှင် ရုံးခွဲတွေမှာ ကပ်ထားမှာ ဖြစ်တယ်လို့ စစ်ကော်မရှင် ရဲ့ ပြည်ထောင်စု ရွေးကောက်ကောက်ပွဲ ကော်မရှင် UEC က မနေ့က ထုတ်ပြန်ထားပါတယ်။ ကြောင်းအမျိုးမျိုးကြောင့် ရပ်ကွက်/ကျေးရွာအုပ်စု ကော်မရှင် ရုံးခွဲတွေမှာ မကပ်ထားနိုင်ဘူးဆိုရင် သက်ဆိုင်ရာ မြို့နယ်ကော်မရှင် ရုံးတွေမှာ မဲစာရင်း ကြည့်ရှုနိုင်မှာ ဖြစ်တယ်လို့ ဖေါ်ပြထားပါတယ်။ တကယ်လို့ မဲစာရင်းမှာ မပါဝင်တဲ့ သူတွေနဲ့ ပုံစံ ၃ နဲ့ တောင်းဆို နိုင်ကြောင်းနဲ့ မပါဝင်သင့်တဲ့သူတွေ ပါနေရင် ပုံစံ