War

အောက်တိုဘာ ၆ – ၂၀၂၅ ကရင်ပြည်နယ် မြဝတီမြို့တော်ဘက်မှာ ရှိတဲ့ လေးကေကော်မြို့သစ်ကို စစ်တပ်က ဝင်စီးထားပြီ ဖြစ်ကြောင်း တပ်ထောက်ခံတဲ့ တယ်လီဂရမ် တချို့မှာ ဓါတ်ပုံတွေ ဖေါ်ပြထားပါတယ်။ ဒါပေမယ့်လည်း လေးကေကော် တမြို့လုံးကို စစ်တပ်က ဝင်ရောက် နိုင်တာ မဟုတ်ဘဲ တချို့နေရာလောက်သာ ဖြစ်တယ်လို့ ဒေသတွင်း သတင်းတွေမှာ ဖေါ်ပြထားပါတယ်၊ စစ်တပ်ဟာ အောင်ဇေယျ စစ်ဆင်ရေးနဲ့ အာရှလမ်းကြီး နဲ့ သင်္ဃန်းညီနောင် တပ်စခန်းတွေကိုပါ မကြာသေးခင် က ပြန်ထိန်းချုပ်ခဲ့ပြီး နောက် တခြားနေရာတွေကိုပါ တိုးချဲ့တိုက်ခိုက်နေတာ ဖြစ်ပါတယ်။ ဓါတ်ပုံ – တယ်လီဂရမ်

အောက်တိုဘာ ၅ – ၂၀၂၅ ရှမ်းမြောက်ဒေသ နမ့်ဆန်မြို့နယ် ဇယ်တုန်ဟုန်းကျေးရွာ ကို မနေ့ နေ့လယ်ပိုင်း ၁၂ နာရီခွဲ လောက်မှာ စစ်တပ်က လေကြောင်းနဲ့ ဗုံးကြဲ တိုက်ခိုက်လို့ ကလေး (၂) ဦး သေဆုံးပြီး ကလေး (၆) ဦး အပါအဝင် (၉) ဦး ထိမှန် ဒဏ်ရာ ရရှိခဲ့တယ်လို့ TNLA တအာင်းတပ်ဖွဲ့က သတင်းထုတ်ပြန် ထားပါတယ်။ ဒါ့အပြင် ပြည်သူလူထု နေအိမ် (၁၆) အိမ်လည်း ထိမှန်ပျက်စီး သွားခဲ့ တယ်လို့ ဖေါ်ပြထားပါတယ်။