မေလ ၅ – ၂၀၂၆
အာရက္ခတပ်တော် AA စစ်ဦးစီးချုပ် ဗိုလ်ချုပ်ထွန်းမြတ်နိုင်က The Diplomat မဂ္ဂဇင်း နဲ့ မေးမြန်းခန်းမှာ “စစ်အစိုးရ က အသာစီးရနေတဲ့ အနေအထားကနေ ဆွေးနွေးညှိနှိုင်းချင်နေတာပါ။ ဒါပေမဲ့ ကျွန်တော်တို့ ကတော့ အဲဒီလို ဖိအားပေးမှုမျိုးကို အရှုံးပေး ဒူးထောက်သွားမှာ မဟုတ်ပါဘူး။” လို့ ပြောကြားသွားခဲ့ပါတယ်။
ပြီးခဲ့တဲ့ မတ်လ ၂ ရက်နေ့က အင်တာဗျူးမှာ ဗိုလ်ချုပ်ထွန်းမြတ်နိုင် ရဲ့ ပြောကြားချက်ထဲက ကောက်နုတ်ချက် တချို့ကို ဖေါ်ပြပေးလိုက်ပါတယ်။ (အင်တာဗျူး အပြည့်အစုံကို သီးသန့် ဖေါ်ပြပေးမှာ ဖြစ်ပါတယ်)-
–
‘’ စစ်အစိုးရက ကျွန်တော်တို့ကို ၂၀၂၃ ခုနှစ် မတိုင်ခင်က အခြေအနေအတိုင်း ပြန်သွားစေချင်တယ်။ အဲဒီလိုဆိုရင် ကျွန်တော်တို့ကလည်း ၁၇၈၄ ခုနှစ် (ရခိုင်လွတ်လပ်ရေး ဆုံးရှုံးခဲ့တဲ့အချိန်) အခြေအနေကို ပြန်သွားချင်တာပေါ့။’’
–
‘’အမျိုးသားညီညွတ်ရေးအစိုးရ (NUG) ဟာ အရေးပါတဲ့ အခန်းကဏ္ဍမှာ ရှိပါတယ်။ ကျွန်တော်တို့ သူတို့ကို လေးစားပါတယ်။ တခြား အစုအဖွဲ့တွေလည်း ရှိပါသေးတယ်။ အားလုံးက ရှင်းလင်းတဲ့ နိုင်ငံရေး အနာဂတ်တစ်ခုအတွက် စုစည်းမိကြဖို့ မျှော်လင့်ပါတယ်။ အခု အခြေအနေကတော့ ခန့်မှန်းရခက်နေတုန်းပါပဲ။’’
–
အိန္ဒိယနဲ့ ပတ်သက်ပြီး – ‘’ကုလားတန် (Kaladan) စီမံကိန်းအတွက်လည်း ကျွန်တော်တို့ ကူညီဖို့ အသင့်ပါပဲ။’’
–
တရုတ်နဲ့ ပတ်သက်ပြီး – ‘’ဒါက ဖိအားပေးတာ မဟုတ်ပါဘူး။ တရုတ်က မြန်မာနိုင်ငံကို တည်ငြိမ်စေချင် တာပါ။ တချို့ကတော့ ဒါကို ဖိအားလို့ ပြောကြမှာပေါ့။ တရုတ်အနေနဲ့ သူတို့ရဲ့ အကျိုးစီးပွားကို ကာကွယ်ဖို့ အကောင်းဆုံး ကြိုးစားမှာပါပဲ၊ ဒါက နိုင်ငံတိုင်း လုပ်ဆောင်တဲ့အရာပါ။’’
–
‘’နွေဦးတော်လှန်ရေးရဲ့ ရလဒ်ကို AA တဖွဲ့တည်းရဲ့ မျှော်လင့်ချက်နဲ့ ဆုံးဖြတ်လို့ မရပါဘူး။ သူတို့ရဲ့ အခြေအနေတွေကို ကျွန်တော်တို့ အပြည့်အဝ လေးစားပါတယ်။’’
–
နောက် ၂ နှစ်အတွင်း ရခိုင်ပြည်နယ်ရဲ့ အခြေအနေ နဲ့ ပတ်သက်ပြီး
‘’ပြည်သူတွေရဲ့ ဆင်းရဲဒုက္ခတွေ အမြန်ဆုံး ပြီးဆုံးသွားတာကို မြင်ချင်သလို ရေရှည်တည်တံ့မယ့် ဖြေရှင်းချက် တခုကို ရှာဖွေချင်ပါတယ်။ မြန်မာပြည်သူတွေရဲ့ မျှော်မှန်းချက်တွေကို ဖြည့်ဆည်းပေးနိုင်ဖို့ ကျွန်တော်တို့ဟာ အဆိုးဆုံး အခြေအနေအတွက် ပြင်ဆင်ထားသင့်ပါတယ်။’’
—————————
THN Public Media
