အာဆီယံ ဥက္ကဌ ဖိလစ်ပိုင်ကနေ မြန်မာ့အရေး SEM အစည်းအဝေး ကျင်းပ ခဲ့ကြောင်း ၁၂ ဖွဲ့ သတင်းထုတ်ပြန်

ဇန်နဝါရီ ၂၇ – ၂၀၂၆

အာဆီယံ ဥက္ကဌ ဖိလစ်ပိုင်ကနေ မြန်မာ့အရေး သက်ဆိုင်သူအားလုံးနဲ့ ထိတွေ ဆက်ဆံရေး SEM အစည်းအဝေး တရပ်ကို မြန်မာ့ တော်လှန်ရေး အင်အားစုတွေ နဲ့ ကျင်းပခဲ့ကြောင်း NUG NUCC CRPH အပါအဝင် အဖွဲ့ ၁၂ ဖွဲ့က ဒီကနေ့ သတင်းထုတ်ပြန်လိုက်ပါတယ်။

အစည်းအဝေးမှာ အချက် ၅ ချက်ကို အဓိက ဆွေးနွေးခဲ့ကြတယ်လို့ ဖေါ်ပြထားပါတယ်။

၁။ အကြမ်းဖက်မှုများ လျှော့ချရေးနှင့် အရပ်သားများကို အကာအကွယ် ပေးရေး

၂။ လူသားချင်းစာနာထောက်ထားမှုဆိုင်ရာ အကူအညီများ

၃။ အားလုံးပါဝင်နိုင်သော နိုင်ငံရေး ဆွေးနွေးပွဲ

၄။ နယ်စပ်ဖြတ်ကျော် ရာဇဝတ်မှုများနှင့် ဒေသတွင်း သက်ရောက်မှုများ

၅။ အာဆီယံ ဘုံသဘောတူညီချက် ၅ ရပ်ကို အကောင်အထည်ဖော်ခြင်း စတဲ့ အချက်တွေဖြစ်ပါတယ်။

—————–

အခုလို ဆွေးနွေးချက်တွေ အပေါ် မြန်မာ့အရေး သက်ဆိုင်သူ အင်အားစု တွေကလည်း အချက် ၅ ချက် ပြန်လည် တင်ပြ ဆွေးနွေးခဲ့ တယ်လို့ ဆိုပါတယ်။

၁။ ဘုံသဘောတူညီချက် ၅ ရပ်၏ ဂုဏ်သိက္ခာကို ထိန်းသိမ်းခြင်း-

၂။ အရပ်သားများကို အကာအကွယ်ပေးရေးကို အရေးကြီးတဲ့ ဦးစားပေး အဖြစ် သတ်မှတ်ခြင်း-

၃။ လူသားချင်းစာနာထောက်ထားမှုဆိုင်ရာ လိုအပ်ချက်-

၄။ အားလုံးပါဝင်နိုင်သော နိုင်ငံရေးလုပ်ငန်းစဉ်-

၅။ ဒေသတွင်း တည်ငြိမ်ရေးနှင့် အာဆီယံ၏ ယုံကြည်ကိုးစားမှု- စတဲ့အချက်တွေကို ပြန်လည်ဆွေးနွေးခဲ့တယ်လို့ သတင်းထုတ်ပြန် ထားပါတယ်။

photo: CRPH

—————————

THN Public Media