အာဖဂန်နစ္စတန်နိုင်ငံ မြောက်ပိုင်းက အကြီးဆုံးမြို့ တခု ဖြစ်တဲ့ Mazar-e Sharif ဒေသစံတော်ချိန် မနက် ၁ နာရီလောက်မှာ ပြင်းအား ၆.၃ ငလျင် လှုပ်ခတ်ခဲ့ကြောင်း သိရပါတယ်။
အမေရိကန် ဘူမိဗေဒ အဖွဲ့က မြေအောက် အနက် ၁၇ မိုင်မှာ ပြင်းအား ၆.၃ အဆင့် ငလျင်လှုပ်ခတ်ခဲ့တာ ဖြစ်ပြီး ထိခိုက်သေဆုံးမှု များနိုင်ကာ ဘေးအန္တရာယ် ကျယ်ပြန့်နိုင်တယ်လို့ သတိပေးထားပါတယ်။
Balkh ပြည်နယ်က တာလီဘန် ပြောရေးဆိုခွင့်ရှိသူ တဦးက သူ့ရဲ့ X မှာ တင်ထားရာမှာ Sholgara ခရိုင်မှာ လူလေးဦး သေဆုံးပြီး “လူအများ အပြား ဒဏ်ရာရရှိ” ကြောင်း ဖေါ်ပြထားပါတယ်။
Mazar-e Sharif မြို့ဟာ လူဦးရေ ၅ သိန်း ကျော် နေထိုင်ပြီး မြို့ခံ တွေဟာ ငလျင်လှုပ်ခတ်ချိန် လမ်းမတွေပေါ် ပြေးထွက်လာခဲ့ကြပါတယ်။
မြို့ရဲ့ အထင်ကရ နေရာ တခုဖြစ်တဲ့ အပြာရောင် ဗလီ က အပျက်အစီး တွေ ပြန့်ကျဲနေပုံရတဲ့ ဗီဒီယိုတခု X မှာ တင်ထားတာ တွေ့ရပါတယ်။
Photo – Nilofar Ayoubi
—————————
THN Public Media
