နိုင်ငံရေး

ဧပြီ ၂၉ – ၂၀၂၆ ဘရူနိုင်းနိုင်ငံမှာ မနေ့ အင်္ဂါနေ့က ကျင်းပတဲ့ ၂၅ ကြိမ်မြောက် အာဆီယံ-အီးယူ နိုင်ငံခြားရေး ဝန်ကြီးများ အစည်းအဝေး ပြုလုပ်ခဲ့ရာမှာ ထိုင်း နိုင်ငံခြားရေး ဝန်ကြီး Sihasak Phuangketkeow က ဖိလစ်ပိုင် နိုင်ငံခြားရေးဝန်ကြီး နဲ့ စင်ကာပူနိုင်ငံခြားရေးဝန်ကြီး တို့နဲ့ သီးခြားစီ တွေ့ဆုံပြီး ဆွေးနွေးမှုတွေ ပြုလုပ်ခဲ့ပါတယ်။ အဲဒီလို သီးခြားဆွေးနွေးမှုမှာ စင်ကာပူနိုင်ငံခြားရေးဝန်ကြီးနဲ့ တွေ့ဆုံတဲ့ အခါမှာတော့ မစ္စတာ Sihasak က မြန်မာ့အရေးကိစ္စကို အထူး အလေးပေး ဆွေးနွေးခဲ့တယ်လို့ ဆိုပါတယ်။ စင်ကာပူနိုင်ငံခြားရေးဝန်ကြီးက မြန်မာနိုင်ငံနဲ့ ပတ်သက်ပြီး လုပ်ဆောင်မယ့် အချိန်ကာလနဲ့ ပတ်သက်ပြီး စိုးရိမ်ကြောင်း ပြောကြားခဲ့ သလို၊ ပိုပြီး ထိရောက်တဲ့ တိုးတက်မှုတွေကို

ဧပြီ ၂၈ – ၂၀၂၆ TRI ဗျူဟာ PDF ရဲဘော် ၃၅ ဦးဟာ တပ် စည်းကမ်းတွေကို ချိုးဖေါက်ပြီး စစ်တပ်ထံမှာ လက်နက်ချသွားတဲ့ အတွက် တပ်ကနေ အပြီးတိုင် ထုတ်ပယ်ကာ အမည်ပျက်စာရင်းသွင်းလိုက်ကြောင်း TRI ဗျူဟာ ကနေ မနေ့က သတင်းထုတ်ပြန်ထားပါတယ်။ ဒီရဲဘော်တွေဟာ တပ်ပိုင်ပစ္စည်းတွေကို ခိုးယူကာ ငွေကြေးအလွဲသုံးစား လုပ်တာတွေ ရှိခဲ့ပြီး ရှေ့တန်းစစ်မျက်နှာပြင်မှာ ရဲဘော်ရဲဘက်တွေကို စွန့်ခွာ ထွက်ပြေးသွားကြာတာ ဖြစ်တယ်လို့ ဖေါ်ပြထားပါတယ်။ ထွက်ပြေးသွားသူတွေဟာ စစ်တပ်က လေကြောင်း တိုက်ခိုက်မှု ပြုလုပ် နိုင်ဖို့ နေရာတွေ ဖေါ်ပြတာ၊ တခြားရဲဘော်တွေ လက်နက်ချဖို့ စည်းရုံး တာတွေ ပြုလုပ်ခဲ့ကြတယ်လို့ ဆိုပါတယ်။ ဒီအတွက် သူတို့ကို ပြင်းထန်စွာ ထိထိရောက်ရောက်

ဧပြီ ၂၈ – ၂၀၂၆ KNU ဥက္ကဌ ဟောင်း စောမူတူးစေးဖိုး နာယကအဖြစ် ပါဝင်ပြီး ဥက္ကဌ ဗိုလ်ချုပ်စောချစ်သူက ဥက္ကဌ အဖြစ် ဆောင်ရွက်မယ့် ‘’ကရင်အမျိုးသား ငြိမ်းချမ်းရေးတည်ဆောက်မှု ကော်မတီ’’ KNPBC ကို ဖွဲ့စည်းတဲ့ ကြေညာချက် တစောင် ပြီးခဲ့တဲ့ ရက်ပိုင်းက ထွက်ပေါ်လာပါတယ်။ KNPBC အနေနဲ့ အကြမ်းမဖက်တဲ့ နိုင်ငံရေးလုပ်ငန်းစဥ် ကနေ ကရင် လူမျိုးနွယ်စု အားလုံးပါဝင်တဲ့ ထာဝရ ငြိမ်းချမ်းရေးကို တည်ဆောက်မယ် လို့ ဖေါ်ပြထားပါတယ်။ စောမူတူးစေးဖိုး ပါဝင်တဲ့ နာယက အဖွဲ့ဝင် ၁၅ ဦးရှိပြီး ဗိုလ်ချုပ် စောချစ်သူ က ဥက္ကဌ နဲ့ ဒုဥက္ကဌ ၈ ဦး အပါအဝင် အတွင်းရေးမှူး

ဧပြီ ၂၇ – ၂၀၂၆ EU ဥရောပသမဂ္ဂ ကနေ မြန်မာနိုင်ငံအပေါ် ချမှတ်ထားတဲ့ ဒဏ်ခတ် ပိတ်ဆို့မှု တွေကို ၂၀၂၇ ခုနှစ် ဧပြီလ အထိ သက်တမ်းတိုးလိုက်ပါတယ်။ မြန်မာနိုင်ငံရဲ့ လက်ရှိအခြေအနေတွေကို ထည့်သွင်းစဉ်းစားပြီးတော့ EU ရဲ့ ကန့်သတ် ပိတ်ဆို့မှုတွေကို နောက်ထပ် ၁၂ လ သက်တမ်းတိုးဖို့ အတွက် ဥရောပ ကောင်စီက ဒီနေ့မှာပဲ ဆုံးဖြတ်လိုက်တာ ဖြစ်ပါတယ်။ ဒါကြောင့် ၂၀၂၇ ခုနှစ်၊ ဧပြီလ ၃၀ ရက်နေ့ အထိ ဒီပိတ်ဆို့မှုတွေက သက်တမ်း ရှိနေမှာ ဖြစ်ပါတယ်။ ဒီဆုံးဖြတ်ချက်ကိုတော့ ပိတ်ဆို့မှုတွေနဲ့ ပတ်သက်ပြီး နှစ်စဉ် ပြန်လည် သုံးသပ်ချက်တွေအပေါ် အခြေခံပြီး ချမှတ်ခဲ့တာပါ။ မြန်မာနိုင်ငံမှာ ဒီမိုကရေစီကို

ဧပြီ ၂၇ – ၂၀၂၆ စာရေးဆရာ ဦးတင်ညွန့် နဲ့ သားဖြစ်သူအပါအဝင် လူ ၃ ဦးကို သက်ဆိုင်ရာ အာဏာပိုင်တွေက ဖမ်းဆီးလိုက်တယ်လို့ မိသားစုနဲ့ နီးစပ်သူဆီက သိရပါတယ်။ ဆရာကြီး ဦးတင်ညွန့်ကို ဧပြီ ၂၃ ရက်နေ့ မနက် ၂ နာရီလောက်မှာ နေအိမ်ကို လာရောက် ဖမ်းဆီးသွားတာဖြစ်ကြောင်းနဲ့ ဆရာတင်ညွန့် အပါအဝင် သုံးယောက်လုံးကို သန်လျင်ရဲစခန်းမှာ ထိန်းသိမ်းထားတယ်လို့ သိရပါတယ်။ ဆရာ ဦးတင်ညွန့် အဓိက အဖမ်းခံရတဲ့ အကြောင်းအရင်းတွေကတော့ ရေးသားခဲ့တဲ့ ” ခွေးထိန်း ငတာ “၊ “ဗိုလ်ချုပ်တွေကို ကျွန်တော်ညာခဲ့သည် ” ဦးသန်းရွှေ၏ ယတြာ များ” စာအုပ်သုံးအုပ်နဲ့ ပတ်သက်ပြီး ဖမ်းခံရတာ ဖြစ်တယ်လို့ ကနဦး

ဧပြီ ၂၅ – ၂၀၂၆ စစ်အုပ်စုရဲ့ ငြိမ်းချမ်းရေး ဖိတ်ခေါ်မှုဟာ တော်လှန်ရေး အင်အားစု တွေကို သပ်လျှိုသွေးခွဲဖို့ ရည်ရွယ်တဲ့ အတုအယောင်ဖိတ်ခေါ်မှုသာ ဖြစ်ကြောင်း အမျိုးသား ညီညွတ်ရေး အတိုင်ပင်ခံကောင်စီ NUCC က ဒီကနေ့ သဘောထား ထုတ်ပြန် လိုက်ပါတယ်။ စစ်အာဏာသိမ်းမှုကြောင့် ပျက်ပြယ်ပြီး ဖြစ်တဲ့ ၂၀၀၈ ဖွဲ့စည်းပုံ အခြေခံ ဥပဒေ နဲ့ NCA လမ်းကြောင်းကနေ ဖိတ်ခေါ်နေတာဖြစ်ပြီး၊ ဒါဟာ စစ်အုပ်စု အနေနဲ့ နိုင်ငံရေးအရ တရားဝင်မှု ရရှိဖို့နဲ့ ကျူးလွန်ခဲ့တဲ့ ရာဇဝတ်မှု တွေအတွက် ပြစ်ဒဏ်ကင်းလွတ်ခွင့်ရဖို့ ကြိုးပမ်းမှု သာ ဖြစ်တယ်လို့လည်း ဖေါ်ပြထားပါတယ်။ NUCC အနေနဲ့ စစ်အာဏာသိမ်းထားမှုကိုဖယ်ရှားပြီး မြန်မာစစ်တပ် နိုင်ငံရေးမှာ ပါဝင်နေတာ အဆုံးသတ်ဖို့

ဧပြီ ၂၅ – ၂၀၂၆ တရုတ်နိုင်ငံခြားရေး ဝန်ကြီးလည်း ဖြစ်၊ တရုတ်ကွန်မြူနစ်ပါတီ နိုင်ငံရေးရာဗျူရို အဖွဲ့ဝင် လည်း ဖြစ်တဲ့ မစ္စတာ ဝမ်ယိဟာ မြန်မာနိုင်ငံကို ဒီကနေ့ ရောက်ရှိလာပါတယ်။ မစ္စတာ ဝမ်ယိဟာ မြန်မာနိုင်ငံမှာ စစ်တပ်ကကျင်းပတဲ့ ရွေးကောက်ပွဲ ကနေ ဖြစ်လာတဲ့ သမ္မတသစ် ဦးမင်းအောင်လှိုင် နဲ့ တွေ့ဆုံ ဆွေးနွေးမှု တွေ ပြုလုပ်ခဲ့ကြောင်း MRTV က သတင်းထုတ်ပြန်ထားပါတယ်။ ဦးမင်းအောင်လှိုင်က သူသမ္မတ ဖြစ်လာတာကို တရုတ်သမ္မတ ရှီကျင်ပင်း အနေနဲ့ ပထမဆုံး ဝမ်းမြောက်ကြောင်း သဝဏ်လွှာပေးပို့ ခဲ့တာကို ဝမ်းမြောက်ဂုဏ်ယူ ကြောင်း မစ္စတာ ဝမ်ယိကိုလည်း အခုလို လာရောက် တွေ့ဆုံတဲ့အတွက် ကျေးဇူးတင်ရှိကြောင်း ပြောကြားခဲ့တယ်လို့ ဆိုပါ တယ်။

ဧပြီ ၂၅ – ၂၀၂၆ လာမယ့် ဧပြီ ၂၈ ရက်နေ့ မှာ ထိုင်းမြန်မာနယ်စပ် မြဝတီမြို့က ထိုင်း မြန်မာ ချစ်ကြည်ရေး အမှတ် ၂ တံတား ကို တရားဝင် ပြန်ဖွင့်ဖို့ မြန်မာ ဘက်က ပြင်ဆင်ဆောင်ရွက်နေကြောင်း ထိုင်း သတင်းမှာ ဖေါ်ပြထား ပါတယ်။ ထိုင်းမြန်မာ နယ်စပ် မြဝတီ မဲဆောက် နယ်စပ်ကုန်သွယ်ရေးကို ကာလကြာရှည် ပိတ်ထားခဲ့ပြီးနောက် အခုအခါ ပြန်ဖွင့်ပြီး ကုန်သွယ်မှု ပြန်လည် မြှင့်တင်သွားမှာ ဖြစ်တယ်လို့ သိရပါတယ်။ လက်ရှိ အချိန်မှာတော့ ကုန်တင်ကားတွေနဲ့ ကုန်စည်တွေကို စတင် သယ်ယူ ပို့ဆောင်နေပြီ ဖြစ်တယ်လို့ ထိုင်း သတင်းက ဆိုပါတယ်။ Ref: Thai PBS

ဧပြီ ၂၅ – ၂၀၂၆ ချင်းညီနောင်ပူးပေါင်း တပ်ဖွဲ့တွေ ထိန်းချုပ်ထားတဲ့ ချင်းပြည်နယ် မြောက်ပိုင်း ဖလမ်းမြို့ကို စစ်တပ်တွေက ဒီကနေ့မှာ ပြန်လည် ထိန်းချုပ် လိုက်ပြီ ဖြစ်တယ်လို့ သိရပါတယ်။ ဖလမ်းမြို့နယ်မှာ ချင်းညီနောင် တပ်ဖွဲ့တွေနဲ့ စစ်တပ်အကြား တိုက်ပွဲ အပြင်းအထန် ဖြစ်ပွားခဲ့ပြီး စစ်တပ်ဘက်က မြေပြင်စစ်ကြောင်းအပြင် လေကြောင်း နဲ့ လက်နက်ကြီး ပစ်ခတ်မှု အပါအဝင် အင်အား အများ အပြားနဲ့ ထိုးစစ်ဆင် တိုက်ခိုက် ခဲ့တဲ့အတွက် ဧပြီ ၂၅ ရက်နေ့မှာ ဖလမ်းမြို့ကို အလုံးစုံ ထိန်းချုပ်နိုင်ခဲ့တာဖြစ်တယ်လို့ သိရပါတယ်။ ဖလမ်းမြို့က ချင်းပြည်နယ်မှာ လေယာဥ်ကွင်းရှိတဲ့ တခုတည်းသော မြို့ဖြစ်သလို ပြည်နယ်ရဲ့ ဒုတိယမြို့တော်လည်းဖြစ်ပြီး စစ်ရေးအရ နှစ်ဘစလုံး အတွက် အရေးပါတဲ့